ന്യൂഡൽഹി: എംപി സ്ഥാനത്തു നിന്ന് അയോഗ്യയാക്കപ്പെട്ട തൃണമൂൽ നേതാവ് മഹുവ മൊയ്ത്രയോട് ഔദ്യോഗിക വസതി ഒഴിയാൻ ആവശ്യപ്പെട്ട് കേന്ദ്രസർക്കാർ. ഔദ്യോഗിക വസതിയിൽ തുടരാൻ അനുവദിക്കണമെന്നാവശ്യപ്പെട്ടു കൊണ്ട് മഹുവ ഡൽഹി ഹൈക്കോടതിയിൽ ഹർജി സമർപ്പിച്ചിരുന്നു. വിഷയത്തിൽ ഡയറക്റ്റേറ്റ് ഒഫ് എസ്റ്റേറ്റ്സിനെ സമീപിക്കാൻ കോടതി ജനുവരി 16 വരെ മഹുവയ്ക്ക് സമയം നൽകിയിട്ടുണ്ട്. ഈ സാഹചര്യത്തിലാണ് കേന്ദ്രം വീണ്ടും മഹുവയ്ക്ക് നോട്ടീസ് അയച്ചിരിക്കുന്നത്.

2023 ഡിസംബർ 8നാണ് മഹുവയെ അയോഗ്യയാക്കിയത്. ജനുവരി 7നകം ഔദ്യോഗിക വസതി ഒഴിയണമെന്നായിരുന്നു ആദ്യം നൽകിയ നിർദേശം. ഇപ്പോൾ എന്തു കൊണ്ട് വസതി ഒഴിഞ്ഞില്ലെന്നതിൽ 3 ദിവസത്തിനകം വിശദീകരണം നൽകണമെന്നാവശ്യപ്പെട്ടു കൊണ്ടാണ് ഡയറക്റ്റേറ്റ് ഒഫ് എസ്റ്റേറ്റ്സ് വീണ്ടും നോട്ടീസ് നൽകിയിരിക്കുന്നത്.