ന്യൂഡൽഹി: ബില്ലുകളിൽ ഒപ്പിടാൻ ഗവർണർക്ക് കൃത്യമായ മാർഗനിർദേശങ്ങൾ നൽകണമെന്ന അപേക്ഷ പിൻവലിക്കുകയാണെന്ന് കേരളം സുപ്രീം കോടതി‍യെ അറിയിച്ചു. തമിഴ്നാട് സർക്കാർ - ഗവർണർ കേസിൽ കോടതി പുറപ്പെടുവിച്ച വിധി കേരളത്തിനും ബാധകമാണെന്ന നിഗമനത്തിലാണ് ഹർജി പിൻവലിക്കുന്നതായി സംസ്ഥാനം കോടതിയെ അറിയിച്ചിരിക്കുന്നത്.

എന്നാൽ, തമിഴ്നാട് ഗവർണർക്കെതിരായ വിധി കേരളത്തിന് ബാധകമല്ലെന്ന നിലപാടിലാണ് കേന്ദ്ര സർക്കാർ.

രണ്ട് കേസുകളിലേയും സാഹചര്യം വ്യത്യസ്ഥമാണെന്നും അതിനാൽ വിധിയെ പൊതുവായി പാരിഗണിക്കാനാവില്ലെന്നും കേന്ദ്രം സുപ്രീം കോടതിയിൽ വാദിച്ചു. വിശദ വാദം കേൾക്കാനായി കേസ് മേയ് 6 ന് സുപ്രീം കോടതി വീണ്ടും പരിഗണിക്കും.