പുനെ: പുനെയിൽ സ്വകാര്യ ഹെലികോപ്റ്റർ തകർന്നു വീണു. പുനെയിലെ പൗദ് മേഖലയിലാണ് സംഭവം. 4 പേരുമായി സഞ്ചരിച്ചിരുന്ന മുംബൈ ആസ്ഥാനമായുള്ള ഗ്ലോബൽ വെക്ട്ര ഹെലികോർപ് ലിമിറ്റഡ് എന്ന സ്വകാര്യ കമ്പനിയുടെ ഹെലികോപ്റ്ററാണ് തകർന്നുവീണത്. അപകടത്തിന്‍റെ ദൃശ്യങ്ങള്‍ പുറത്തു വന്നിട്ടുണ്ട്. 4 പേരും അത്ഭുതകരമായാണ് രക്ഷപ്പെട്ടത്.
ഹെലികോപ്റ്ററിന്‍റെ ക്യാപ്റ്റന്‍ ആനന്ദിന് അപകടത്തിൽ പരുക്കേറ്റു. ഇദ്ദേഹത്തെ ആശുപത്രിയിലേക്ക് മാറ്റി. മറ്റുള്ളവർ പരുക്കേൽക്കാതെ രക്ഷപ്പെട്ടു. മുംബൈയിലെ ജുഹുവില്‍നിന്ന് ഹൈദരാബാദിലേക്ക് പോകുകയായിരുന്നു ഹെലികോപ്റ്റര്‍. ശക്തമായ കാറ്റും മോശം കാലാവസ്ഥയുമാണ് ഹെലികോപ്റ്റര്‍ അപകടത്തിന് കാരണമെന്നാണ് പ്രാഥമിക നിഗമനം.