ഭോപ്പാൽ: വിദ്യാർഥികൾക്ക് സൈക്കിളുകളും സ്കൂട്ടറുകളും സൗജന്യമായി വിതരണം ചെയ്യുമെന്ന് പ്രഖ്യാപിച്ച് മ‌ധ്യപ്രദേശ് മുഖ്യമന്ത്രി മോഹൻ യാദവ്. 6 മുതൽ 9 ക്ലാസ് വരെയുള്ള കുട്ടികളിൽ സ്കൂളും വീടും തമ്മിൽ രണ്ട് കിലോമീറ്ററിൽ കൂടുതൽ ദൂരമുള്ളവർക്കാണ് സൈക്കിളുകൾ നൽകുക. അതിനൊപ്പം 75 ശതമാനത്തിലധികം മാർക്ക് നേടുന്നവർക്ക് ലാപ്ടോപ്പും നൽകും. സ്കൂളിൽ ഏറ്റവും കൂടുതൽ മാർക്ക് നേടുന്ന വിദ്യാർഥിക്കാണ് സ്കൂട്ടർ നൽകുക.

പദ്ധതിയുടെ ഭാഗമായി 5 ലക്ഷം സൈക്കിളുകൾ വിതരണത്തിനായി തയാറാക്കി കഴിഞ്ഞുവെന്നും മുഖ്യമന്ത്രി വ്യക്തമാക്കി.

സാമ്പത്തിക ബുദ്ധിമുട്ടുകൾ നേരിടുന്ന വിദ്യാർഥികൾക്ക് എംബിബിഎസ് പഠനം ഉറപ്പാക്കാനുള്ള പദ്ധതിയും പരിഗണനയിലുണ്ട്. അടുത്ത വർഷത്തോടെ സംസ്ഥാനത്തെ മെഡിക്കൽ കോളെജുകളുടെ എണ്ണം 50 ആയി ഉയരും.