ഹൈദരാബാദ്: ഹൈദരാബാദിലെ ചാർമിനാറിന് സമീപത്തുണ്ടായ തീപിടിത്തത്തിൽ 8 പേർ മരിക്കുകയും നിരവധി പേർക്ക് പരുക്കേൽക്കുകയും ചെയ്തു. ചാർമിനാറിന് അടുത്തുള്ള ഗുൽസാർ ഹൗസിനു സമീപം ഞായറാഴ്ച പുലർച്ചെ 6 മണിയോടെയാണ് തീപിടിത്തമുണ്ടായത്.

ഇരുപതോളം പേർ ചികിത്സയിൽ കഴിയുകയാണ്. പരുക്കേറ്റവരിൽ 2 പേരുടെ നില ഗുരുതരമാണെന്ന് ആശുപത്രി അധികൃതർ അറിയിച്ചു.

പതിനൊന്നോളം ഫയർഫോഴ്സ് സംഘം സ്ഥലത്തെത്തി ചേർന്നിട്ടുണ്ട്. തീ അണയ്ക്കാനുള്ള ശ്രമം തുടരുകയാണ്. അപകടകാരണം വ‍്യക്തമല്ല. പുക ശ്വസിച്ച് അബോധാവസ്ഥയിലായവരെയും പൊള്ളലേറ്റവരെയും ആശുപത്രിയിൽ പ്രവേശിപ്പിച്ചിട്ടുണ്ട്. ഷോർട്ട് സർക്ക‍്യൂട്ട് ആണ് അപകടകാരണമെന്നാണ് പ്രാഥമിക നിഗമനം.