ന്യൂഡൽഹി: വ്യോമസേനയുടെ മിഗ് 21 യുദ്ധവിമാനം തകർന്നു വീണ് രണ്ടുപേർ മരിച്ചു. ഒരാൾക്ക് പരിക്കേറ്റു. രാജസ്ഥാൻ ഹനുമൻഗഡിൽ വീടിനു മുകളിലാണ് വിമാനം തകർന്നുവീണത്.

തിങ്കളാഴ്ച രാവിലെയായിരുന്നു അപകടം. സൂറത്ത്ഗഡിൽ നിന്നും പുറപ്പെട്ട വിമാനമാണ് അപകടത്തിൽപ്പെട്ടത്. പ്രദേശവാസികളായ രണ്ട് സ്ത്രീകളാണ് മരിച്ചതെന്നാണ് പുറത്തുവരുന്ന വിവരം.

പൈലറ്റ് സുരക്ഷിതനാണെന്ന് ജില്ലാ കലക്ടർ വ്യക്തമാക്കി. പാരച്യൂട്ട് ഉപയോഗിച്ച് വിമാനത്തിൽ നിന്ന് ചാടിയാണ് പൈലറ്റ് രക്ഷപ്പെട്ടത്. സംഭവത്തിൽ അന്വേഷണത്തിന് ഉത്തരവിട്ടതായി വ്യോമസേന അറിയിച്ചു.