മുംബൈ: ഓൺലൈനായി ഓർഡർ ചെയ്ത ഐസ്ക്രീംമിൽ മനുഷ്യ വിരലിന്റെ ഭാഗം കണ്ടെത്തി. മഹാരാഷട്രയിലെ മലഡിലാണ് സംഭവം. മലഡ് സദ്വേശിയായ ബ്രെൻഡൻ സെറാവോ എന്നയാൾ വാങ്ങിയ ഐസ്ക്രീമിലാണ് വിരൽ കണ്ടത്.
ഭക്ഷ്യവിതരണ ആപ്പായ സെപ്റ്റോ വഴിയാണ് ഐസ്ക്രീം ഓർഡർ ചെയ്തത്. പകുതിയോളം കഴിച്ച ശേഷം കട്ടിയുള്ള എന്തോ നാവിൽ തട്ടിയെന്നും തുടർന്ന് നടത്തിയ പരിശോധനയിലാണ് കൈവിരലിന്റെ ഭാഗം കണ്ടെത്തിയതെന്നും ഡോക്ടർ പറയുന്നു. പിന്നാലെ സ്റ്റേഷനിൽ പരാതി നൽകുകയായിരുന്നു. സംഭവത്തിൽ യമ്മോ ഐസ്ക്രീം കമ്പനിക്കെതിരെ കേസെടുത്ത് അന്വേഷണം ആരംഭിച്ചതായി പൊലീസ് അറിയിച്ചു. വിരലിന്റെ കഷ്ണം ഫൊറൻസിക് പരിശോധനക്കായി അയച്ചിട്ടുണ്ട്.