ദിസ്പൂർ: അസമിൽ വിഡിയോ കോൺഫറൻസിംഗിലൂടെ വന്ദേ ഭാരത് എക്സ്പ്രസ് ഫ്ലാഗ് ഓഫ് ചെയ്ത് പ്രധാനമന്ത്രി നരേന്ദ്ര മോദി. ഗുവാഹത്തി-ന്യൂ ജൽപൈഗുരി എന്നീ സ്ഥലങ്ങൾ തമ്മിൽ ബന്ധിപ്പിക്കുന്ന വന്ദേ ഭാരത് എക്‌സ്പ്രസ് നോർത്ത് ഈസ്റ്റ് മേഖലയിലെ ആദ്യ വന്ദേ ഭാരത് സർവീസാണ്.

ആറ് സ്റ്റേഷനുകളുള്ള അസമിൽ 410 കിലോമീറ്റർ യാത്ര ചെയ്യാൻ അഞ്ചര മണിക്കൂർ മതിയെന്നും ഈ മേഖലയിൽ ഏറ്റവും വേഗതയുള്ള ട്രെയിനിനേക്കാൾ ഒരു മണിക്കൂർ നേരത്തെ വന്ദേ ഭാരത് സർവീസ് പൂർത്തിയാക്കും. രാജ്യത്തെ പതിനെട്ടാമത് വന്ദേ ഭാരത് എക്‌സ്പ്രസാണ് ഇത്.