പട്ന: നിരോധിത സംഘടനയായ പോപ്പുലർ ഫ്രണ്ടിന്‍റെ സ്ലീപ്പർ സെൽ അംഗങ്ങളായ 2 പേരെ എൻഐഎ ചാമ്പാരനിൽ നിന്ന് അറസ്റ്റ് ചെയ്തു. പോപ്പുലർ ഫ്രണ്ട് ആയുധ പരിശീലകൻ യാക്കൂബ് ഖാനുമായി ബന്ധമുണ്ടായിരുന്ന ഷഹീദ് റാസ, ഫൈസൽ അലി എന്നിവരെയാണ് പിടികൂടിയത്.

ജയിലിലായ യാക്കൂബ് ഖാനെ ചോദ്യം ചെയ്തപ്പോഴാണ് ഇവരെ കുറിച്ച് എൻഐഎക്ക് വിവരം ലഭിച്ചത്. തുടർന്നാണ് ഇവരെ അറസ്റ്റ് ചെയ്തത്. ഇവരിൽ നിന്നും നാടൻ തോക്കും പിടിച്ചെടുത്തിട്ടുണ്ട്.