ന്യൂഡൽഹി: കഞ്ചിക്കോട് റെയ്‌ൽ കോച്ച് ഫാക്റ്ററി തത്കാലം പരിഗണനയിൽ ഇല്ലെന്നു റെയ്‌ൽ മന്ത്രി അശ്വിനി വൈഷ്ണവ്. റെയ്‌ൽവേയുടെ ആവശ്യത്തിനുള്ള കോച്ചുകൾ നിർമിക്കാൻ നിലവിലുള്ള യൂണിറ്റുകൾ പര്യാപ്തമാണ്. ഭാവി ആവശ്യങ്ങൾക്കും ഇവ മതിയാകുമെന്നും മന്ത്രി വ്യക്തമാക്കി.

കഞ്ചിക്കോട്ട് ഏറ്റെടുത്ത 228 ഏക്കർ ഭൂമി റെയ്‌ൽവേയുടെ മറ്റ് ആവശ്യങ്ങൾക്കു വിനിയോഗിക്കുമെന്നും അശ്വിനി വൈഷ്ണവ് അറിയിച്ചു. രാജ്യസഭയിൽ ജോൺ ബ്രിട്ടാസ് എംപിയുടെ ചോദ്യത്തിനു മറുപടി നൽകുകയായിരുന്നു മന്ത്രി.