ശ്രീനഗർ: അതിർത്തിയിൽ നുഴഞ്ഞു കയറാൻ ശ്രമിച്ച പാക് പൗരനെ കസ്റ്റഡിയിലെടുത്തതായി ബിഎസ്എഫ് (border security force) അറിയിച്ചു. പാക്-ഇന്ത്യ അന്താരാഷ്ട്ര അതിർത്തിയായ കത്വയിൽ തിങ്കളാഴ്ച വൈകിട്ടോടെയായിരുന്നു നുഴഞ്ഞുകയറ്റ ശ്രമമുണ്ടായത്.

അതിർത്തിയിൽ നുഴഞ്ഞു ക‍യറാൻ ശ്രമിച്ച പാക് പൗരന് സൈന്യം മുന്നറിയിപ്പ് നൽകിയെങ്കിലും അയാൾ അത് ശ്രദ്ധിക്കാതെ മുന്നോട്ട് വന്നതോടെ ബിഎസ്എഫ് കാലിൽ വെടിവയ്ക്കുകയായിരുന്നു. തുടർന്നാണ് ഇയാളെ കസ്റ്റഡിയിലെടുത്തത്.

പരുക്കേറ്റ നുഴഞ്ഞുകയറ്റക്കാരനെ ചികിത്സയ്ക്കായി ആശുപത്രിയിലേക്ക് മാറ്റിയതായും അയാളുടെ ഐഡന്‍റിറ്റിയും നിയമവിരുദ്ധമായി ഇന്ത്യയിലേക്ക് കടക്കാൻ ശ്രമിച്ചതിന് പിന്നിലെ ലക്ഷ്യവും അന്വേഷിക്കുമെന്നും ഉദ്യോഗസ്ഥർ പറഞ്ഞു.