narendra modi | ashok gehlot 
India

''മോദിയുടെ പരിപാടിയിൽ നിന്ന് എന്‍റെ പ്രസംഗം വെട്ടി'', പ്രധാനമന്ത്രിയുടെ ഓഫിസിനെതിരേ ഗെഹ്ലോത്ത്

പ്രോട്ടോകോള്‍ അനുസരിച്ച് മുഖ്യമന്ത്രിയെ ചടങ്ങിൽ ക്ഷണിച്ചിരുന്നു, പ്രസംഗവും അനുവദിച്ചിരുന്നു. എന്നാല്‍ മുഖ്യമന്ത്രിക്ക് എത്താനാവില്ലെന്നാണ് അദ്ദേഹത്തിന്‍റെ ഓഫിസ് അറിയിച്ചതെന്ന് വിശദീകരണം.

MV Desk

ജയ്പൂർ: രാജസ്ഥാനിൽ പ്രധാനമന്ത്രി പങ്കെടുക്കുന്ന പരിപാടിയിൽ നിന്നു തന്‍റെ പ്രസംഗം പ്രധാനമന്ത്രിയുടെ ഓഫിസ് ഒഴിവാക്കിയെന്ന് മുഖ്യമന്ത്രി അശോക് ഗെഹ്ലോത്ത്. സികാറിൽ വിവിധ പദ്ധതികളുടെ ഉദ്ഘാടനം നിർവഹിക്കുന്ന പരിപാടിയിലെ പ്രസംഗമാണ് വെട്ടിയത്. എന്നാൽ ഗെഹ്ലോത്ത് പരിപാടിയിൽ പങ്കെടുക്കുന്നില്ലെന്നാണ് അദ്ദേഹത്തിന്‍റെ ഓഫീസ് അറിയിച്ചതെന്നാണ് പിഎംഒയുടെ വിശദീകരണം.

പ്രധാനമന്ത്രിയെ താൻ ട്വിറ്ററിലൂടെ സ്വാഗതം ചെയ്യുന്നതായും പിഎംഒ പ്രസംഗം റദ്ദാക്കിയതിനാലാണ് ഇത് ചെയ്യുന്നതെന്നും ഗെഹ്ലോത്ത് ട്വിറ്ററിലൂടെ പ്രതികരിച്ചു. സികാറിലെ പരിപാടിയില്‍ ഗെഹ്ലോത്തിന്‍റെ സാന്നിധ്യത്തെ അങ്ങേയറ്റം വിലമതിക്കുന്നതായി പിഎംഒ ട്വീറ്റിനു മറുപടി നല്‍കി.

പ്രോട്ടോകോള്‍ അനുസരിച്ച് മുഖ്യമന്ത്രിയെ ചടങ്ങിൽ ക്ഷണിച്ചിരുന്നു, പ്രസംഗവും അനുവദിച്ചിരുന്നു. എന്നാല്‍ മുഖ്യമന്ത്രിക്ക് എത്താനാവില്ലെന്നാണ് അദ്ദേഹത്തിന്‍റെ ഓഫിസ് അറിയിച്ചത്- പിഎംഒ പറഞ്ഞു. കിസാന്‍ സമൃദ്ധി കേന്ദ്രങ്ങളുടെ ഉദ്ഘാടനം ഉള്‍പ്പെടെയുള്ള പരിപാടികളാണ് പ്രധാനമന്ത്രിക്ക് സികാറില്‍ നിശ്ചയിച്ചിട്ടുള്ളത്.

ശബരിമല സ്വർണക്കൊള്ള: ദേവസ്വം ബോർഡിനെ വെട്ടിലാക്കി തന്ത്രിയുടെ മൊഴി

ഇനിയും അങ്കങ്ങൾക്ക് ബാല്യം: വെറ്ററൻ കരുത്തിൽ ഇന്ത്യൻ ജയം

മുഖ്യമന്ത്രി യുഎഇ മന്ത്രിമാരുമായി കൂടിക്കാഴ്‌ച നടത്തി

രാജ് ഭവന്‍റെ പേര് മാറ്റുന്നു, ഇനി ലോക് ഭവൻ

ഷെയ്ഖ് ഹസീന വിഷയം ഇന്ത്യയുമായുള്ള ബന്ധത്തിനു തടസമല്ല: ബംഗ്ലാദേശ്