ജയ്പൂർ: രാജസ്ഥാനിലെ പ്രമുഖ രജപുത്ര നേതാവ് സുഖ്ദേവ് സിങ് ഗോഗമേദിയ വെടിയേറ്റു മരിച്ചു. സുഖ്ദേവ് സിംഗ് ഗോഗമേദിയുടെ വീടിന് പുറത്ത് സ്കൂട്ടറിലെത്തിയ സംഘം വെടിയുതിര്ക്കുകയായിരുന്നെന്ന് ജയ്പൂര് പൊലീസ് അറിയിച്ചു. അക്രമത്തില് 2 പേര്ക്ക് പരിക്കേറ്റതായും പൊലീസ് പറഞ്ഞു.
ചൊവ്വാഴ്ച ഉച്ചയോടെയാണ് സംഭവം ഉണ്ടായത്. വീട്ടിലെത്തിയ നാലംഗസംഘം ഇദ്ദേഹത്തിന് നേരെ വെടിയുതിര്ക്കുകയായിരുന്നു. ഗോഗമെഡിയുടെ തലയിലും നെഞ്ചിലുമാണ് വെടിയേറ്റതെന്നാണ് വിവരം.
വെടിവയ്പില് സുഖ്ദേവ് സിങിന്റെ അംഗരക്ഷകനും മറ്റൊരാള്ക്കുമാണ് പരിക്കേറ്റതെന്ന് ഡിജിപി ഉമേഷ് മിശ്ര പറഞ്ഞു. വെടിയേറ്റ അദ്ദേഹത്തെ ഉടന് തന്നെ ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല. സംഭവത്തില് പൊലീസ് അന്വേഷണം ആരംഭിച്ചു.