ന്യൂഡൽഹി: തെങ്ങിൻ കള്ളിലെ ആൽക്കഹോൾ പരിധി നിശ്ചയിച്ച സർക്കാർ ഉത്തരവ് സുപ്രീം കോടതി റദ്ദാക്കി. 2007ൽ സംസ്ഥാന സർക്കാർ പുറപ്പെടുവിച്ച വിജ്ഞാപനമാണ് കോടതി റദ്ദാക്കിയത്. അബ്കാരികൾ നൽകിയ ഹർജിയിലാണ് നടപടി.

കളളിലെ ഈഥൈൽ ആൽക്കഹോൾ 8.1 ശതമാനമായി നിശ്ചയിച്ചായിരുന്നു സർക്കാർ വിജ്ഞാപനം പുറപ്പെടുവിച്ചത്. സർക്കാർ നിയോഗിച്ച ടി.എൻ. അനിരുദ്ധൻ കമ്മിറ്റി നടത്തിയ പഠനത്തിൽ പരമാവധി ആൽക്കഹോൾ 9.59% വരെ ആകാമെന്ന് ശുപാർശ ചെയ്തെങ്കിലും എക്സൈസ് എതിർത്തതിനാൽ റിപ്പോർട്ട് സർക്കാർ അംഗീകരിച്ചിരുന്നില്ല.

പിന്നീട് 8.98 ശതമാനമായി മാറ്റി നിശ്ചയിക്കാൻ വിദഗ്ധ സമിതി നൽകിയ ശുപാർശ സർക്കാർ അംഗീകരിക്കുകയായിരുന്നു. ഈ ഉത്തരവാണ് കോടതി റദ്ദാക്കിയത്.