കൊൽക്കത്ത: ലോക്സഭാ തെരഞ്ഞെടുപ്പിൽ പശ്ചിമ ബംഗാളിൽ ഒറ്റയ്ക്ക് മത്സരിക്കാനൊരുങ്ങി കോൺഗ്രസ്. സഖ്യവുമായി ബന്ധപ്പെട്ട വിഷയങ്ങളിൽ തൃണമൂൽ കോൺഗ്രസിന് ആശയക്കുഴപ്പങ്ങളുണ്ടെന്ന് ചൂണ്ടിക്കാട്ടിയാണ് തീരുമാനം.

മുർഷിദാബാദിലെ പാർട്ടി ഓഫീസിലെ വാർത്താസമ്മേളനത്തിൽ വച്ച് ബംഗാൾ കോൺഗ്രസ് അധ്യക്ഷൻ അധീർ രഞ്ജൻ ചൗധരിയാണ് ഇക്കാര്യം വ്യക്കമാക്കിയത്. സഖ്യവുമായി ബന്ധപ്പെട്ട വിഷയങ്ങളിൽ ഔദ്യോഗികമായൊരു തീരുമാനം അവരുടെ ഭാഗത്തുനിന്നുണ്ടായിട്ടില്ല. മമതാ ബാനർജി സഖ്യവുമായി മുന്നോട്ട് പോകുന്നുണ്ടെന്നോ ഇല്ലെന്നോ വ്യക്തമാക്കണമെന്നും അദ്ദേഹം പറഞ്ഞു.

കോൺ‌ഗ്രസുമായി സഖ്യമില്ലെന്നും 42 സീറ്റിലും ഒറ്റയിക്ക് മത്സരിക്കുമെന്നും മമത നേരത്തെ അറിയിച്ചിരുന്നു. അതേസമയം, വീട്ടുവീഴ്ച ചെയ്തും സഖ്യം സാധ്യമാക്കാനുള്ള ശ്രമത്തിലാണ് കോൺഗ്രസ് ദേശീയ നേതൃത്വം.