ന്യൂഡൽഹി: വിമാനത്തിൽ സാങ്കേതിക തകരാറുകൾ കണ്ടെത്തിയതു മൂലം കനേഡിയൻ പ്രധാനമന്ത്രി ജസ്റ്റിൻ ട്രൂഡോയ്ക്ക് ഇന്ത്യയിൽ നിന്ന് മടങ്ങാനായില്ല. ജി 20 ഉച്ചകോടിയിൽ പങ്കെടുക്കാനെത്തിയ ട്രൂഡോയും സംഘവും പ്രശ്നം പരിഹരിക്കുന്നതു വരെ ഇന്ത്യയിൽ തുടരും.
യാത്ര നടത്താനിരുന്ന സിഎഫ്സി001 എന്ന വിമാനത്തിൽ സാങ്കേതിക പ്രശ്നങ്ങൾ ഉണ്ടെന്നും പരിഹരിക്കാൻ സമയമെടുക്കുന്നതിനാൽ ഇന്നു രാത്രിയിൽ കൂടി ഇന്ത്യയിൽ തുടരുകയാണെന്നും കനേഡിയൻ പ്രധാനമന്ത്രിയുടെ ഓഫിസ് അറിയിച്ചു. ഞായറാഴ്ച വൈകിട്ട് 8 മണിക്കായിരുന്നു ട്രൂഡോ മടങ്ങാനിരുന്നത്.