ന്യൂഡൽഹി: യുപിയിൽ കാർ ട്രക്കിൽ ഇടിച്ചുണ്ടായ അപകടത്തിൽ 6 പേർ മരിച്ചു. മുസഫർനഗർ ദേശീയ പാത 58 ലാണ് അപകടം.
ഡൽഹിയിൽ നിന്നു ഹരിദ്വാറിലേക്ക് പോകുകയായിരുന്ന കാർ അമിത വേഗതയിലായിരുന്നു. ഡ്രൈവർക്ക് നിയന്ത്രണം നഷ്ടപ്പെട്ടാണ് അപകടമുണ്ടായതെന്നാണ് പ്രാഥമിക നിഗമനം.
ഇടിയുടെ ആഘാതത്തിൽ കാർ ട്രക്കിന്‍റെ അടിയിലേക്ക് ഇടിച്ചു കയറി. കാറിലുണ്ടായിരുന്നവരാണ് മരിച്ചത്. ക്രെയിൻ ഉപയോഗിച്ചാണ് പിന്നീട് കാർ പുറത്തെടുത്തത്. അപകടത്തെക്കുറിച്ച് വിശദമായ അന്വേഷണം നടത്തുമെന്നു പൊലീസ് വ്യക്തമാക്കി.