ദുബായ്: നാലാമത് ദുബായ് മെട്രൊസംഗീതോത്സവം ഈ മാസം 21 മുതൽ 27 വരെ നടക്കും. വൈകീട്ട് 5 മുതൽ രാത്രി 10 വരെ അഞ്ച് മെട്രൊ സ്റ്റേഷനുകളിലാണ് സംഗീതപരിപാടി അരങ്ങേറുന്നത്. ദുബായ് മാൾ, മാൾ ഓഫ് എമിറേറ്റ്സ്, ബുർജ്മാൻ, യൂണിയൻ, ഡി എം സി സി എന്നീ മെട്രൊസ്റ്റേഷനുകളിൽ എത്തുന്നവർക്ക് വിസ്മയ സംഗീത പ്രകടനങ്ങൾ ആസ്വദിക്കാം. ദുബായ് ആർ ടി എ യുടെ സഹകരണത്തോടെ ദുബായ് മീഡിയ ഓഫീസിന് കീഴിൽ ഉള്ള ബ്രാൻഡ് ദുബായ് ആണ് സംഗീതോത്സവം സംഘടിപ്പിക്കുന്നത്.
രാജ്യത്തിനകത്തും പുറത്തുമുള്ള 20 സംഗീതജ്ഞർ പരിപാടികൾ അവതരിപ്പിക്കും. കേനൻ എന്ന സംഗീതോപകരണത്തിൽ മാന്ത്രിക സംഗീതം തീർക്കുന്ന 9 വയസ്സുകാരനും.
പിയാനോയിൽ അത്ഭുതം സൃഷ്ടിക്കുന്ന 14 വയസ്സുള്ള ഇമറാത്തി ദൃഢനിശ്ചയ ബാലനും പരിപാടിയുടെ മുഖ്യ ആകർഷണമാവും.