ദുബായ്: ദുബായ് അന്തർദേശിയ വിമാനത്താവളത്തിൽ അവധി കഴിഞ്ഞ് തിരിച്ചെത്തുന്നവരുടെ തിരക്ക് വർധിക്കുന്ന സാഹചര്യത്തിൽ വാരാന്ത്യത്തിൽ ദുബായ് മെട്രൊയുടെ പ്രവൃത്തി സമയം ദീർഘിപ്പിക്കാൻ ആർടിഎ തീരുമാനിച്ചു. ശനിയാഴ്ച (ഓഗസ്റ്റ് 24) വരെ രാവിലെ 5 മുതൽ പുലർച്ചെ 2 വരെയും, ഞായറാഴ്ച (ഓഗസ്റ്റ് 25) രാവിലെ 8 മുതൽ പുലർച്ചെ 2 വരെയുമായിരിക്കും മെട്രൊ പ്രവർത്തിക്കുക.

അടുത്ത 13 ദിവസം കൊണ്ട് 3.43 മില്യൺ യാത്രക്കാരെയാണ് ദുബായ് വിമാനത്താവളം കൈകാര്യം ചെയ്യുന്നത്. സെപ്റ്റംബർ 1 ഏറ്റവും തിരക്കേറിയ ദിവസമായിരിക്കുമെന്നാണ് വിമാനത്താവള അധികൃതർ നൽകുന്ന സൂചന. അന്ന് മാത്രം 29,1000 സന്ദർശകർ എത്തും. അവധി കഴിഞ്ഞ് മലയാളികൾ ഉൾപ്പെടെ ലക്ഷക്കണക്കിന് പ്രവാസികളാണ് വിവിധ രാജ്യങ്ങളിൽ നിന്ന് തിരിച്ചെത്തുന്നത്.