ദുബായ്: രണ്ട് മാസത്തെ ഇടവേളക്ക് ശേഷം ജൂലൈ മാസത്തിൽ യുഎഇയിലെ ഇന്ധന വില വർധിക്കും. യുഎഇയിലെ ജൂലൈ മാസത്തെ ഇന്ധന വില അധികൃതർ പ്രഖ്യാപിച്ചു.

ഇറാൻ-ഇസ്രായേൽ സംഘർഷം, ഇറാന്‍റെ ആണവ കേന്ദ്രങ്ങളിൽ യുഎസ് നടത്തിയ ആക്രമണങ്ങൾ എന്നിവ മൂലം ജൂണിൽ ആഗോള എണ്ണവില ഉയർന്ന സാഹചര്യത്തിലാണ് യുഎഇയിലെ പെട്രോൾ വിലയും വർധിക്കുന്നത്.

ജൂലൈ ഒന്നിന് പ്രാബല്യത്തിൽ വരുന്ന നിരക്കുകൾ (ഒരു ലിറ്ററിന്) ഇപ്രകാരം: സൂപർ 98 പെട്രോൾ -2.70 ദിർഹം. ജൂണിൽ 2.58 ദിർഹമായിരുന്നു നിരക്ക്. വർധന 12 ഫിൽസ്. സ്‌പെഷ്യൽ 95 പെട്രോൾ 2.58. ജൂണിൽ ഇത് 2.47 ആയിരുന്നു. വർധന 11 ഫിൽസ് ഇ-പ്ലസ് 91 പെട്രോൾ -2.51. ജൂണിൽ ഇത് 2.39 ആയിരുന്നു.12 ഫിൽസ് ജൂലൈയിലെ ഡീസൽ നിരക്ക് 2.63 ദിർഹം ആണ്. ജൂണിൽ ഇത് 2.45 ആയിരുന്നു. 19 ഫിൽസ് വർധനയാണ് ജൂലൈയിൽ ഉണ്ടായിരിക്കുന്നത്.