അബുദാബി: കുട്ടികൾ ഉൾപ്പെടെ നിരവധി നിരപരാധികളായ സാധാരണക്കാർ കൊല്ലപ്പെട്ട മ്യാൻമറിലെ സാഗയിങ് മേഖലയിലെ ലിൻ ടാലു ഗ്രാമത്തിലെ ആശ്രമത്തിന് നേരെയുണ്ടായ ആക്രമണത്തെ യുഎഇ ശക്തമായി അപലപിച്ചു.

സുരക്ഷയും സ്ഥിരതയും തകർക്കാൻ ലക്ഷ്യമിട്ടുള്ള ഈ ക്രിമിനൽ പ്രവൃത്തികളെ കടുത്ത ഭാഷയിൽ അപലപിക്കുന്നതായി യുഎഇ വിദേശ കാര്യ മന്ത്രാലയം പ്രസ്താവനയിൽ പറഞ്ഞു.

ഹീനമായ ഈ ആക്രമണത്തിൽ ഇരകളുടെ കുടുംബങ്ങളോടും മ്യാൻമർ ജനതയോടും മന്ത്രാലയം ആത്മാർഥമായ അനുശോചനവും സഹതാപവും അറിയിച്ചു.