അബൂദബി: ലബനാനിലെ എംബസി പ്രവർത്തനം വീണ്ടും തുടങ്ങുന്നതിന്റെ ഭാഗമായുള്ള നടപടികൾ സ്വീകരിക്കുന്നതിന് യു.എ.ഇ പ്രസിഡന്റ് ഷെയ്ഖ് മുഹമ്മദ് ബിൻ സായിദ് അൽ നഹ്യാന്റെ നിർദേശ പ്രകാരം ഉന്നത തല പ്രതിനിധി സംഘം ബെയ്റൂത്തിലെത്തി.
ലബനാന്റെ ഐക്യം, ദേശീയ പരമാധികാരം, സമഗ്രത എന്നിവയോടുള്ള യു.എ.ഇയുടെ പ്രതിബദ്ധതയും ലബനാൻ ജനതയ്ക്കുള്ള പിന്തുണയും അചഞ്ചലമാണെന്ന് യുഎഇ വിദേശ കാര്യ മന്ത്രാലയം വ്യക്തമാക്കി. യു.എ.ഇയും ലബനാനും തമ്മിലുള്ള ഉഭയ കക്ഷി ബന്ധം ശക്തിപ്പെടുത്തുന്നതിന്റെ ഭാഗമായാണ് എംബസി വീണ്ടും തുറക്കുന്നത്.