ഒക്റ്റോബർ 21 വൈകിട്ട് ആറുമണിക്ക് യുഎസ് വൈസ് പ്രസിഡന്‍റ് ജെഡി വാൻസ് ജെറുസലേമിലെ കിങ് ഡേവിഡ് ഹോട്ടലിൽ വച്ച് പത്രസമ്മേളനം നടത്തും. രാവിലെ ടെൽ അവീവിലെത്തിയ വാൻസ് ദമ്പതികളെ ഇസ്രയേൽ നീതിന്യായ മന്ത്രി യാരിവ് ലെവിൻ, യുഎസിലെ ഇസ്രയേൽ അംബാസിഡർ യെച്ചിയേൽ ലെയ്റ്റർ, യുഎസ് അംബാസിഡർ മൈക്ക് ഹക്കബി എന്നിവർ വിമാനത്താവളത്തിൽ സ്വീകരിച്ചു. വൈറ്റ് ഹൗസിലെ ഉന്നത സഹായികളായ സ്റ്റീവ് വിറ്റ്കോഫ്, ജാരെഡ് കുഷ്നർ എന്നിവരോടൊപ്പം വാൻസ് ദമ്പതികൾ ഉച്ചഭക്ഷണം കഴിച്ചതായും വാൻസിന്‍റെ ഓഫീസ് അറിയിച്ചു.