സോഷ്യൽ മീഡിയയിൽ വൈറലാവാൻ എന്തും ചെയ്യുക എന്നതാണല്ലോ ഇപ്പോഴത്തെ ട്രെൻഡ് . എന്നാൽ റഷ്യക്കാരനായ ഈ യൂട്യൂബർ ചെയ്തത് കുറച്ച് കടുത്തു പോയി. വൈറലാവുന്നതിനുവേണ്ടി ഇായാൾ തന്‍റെ മൂന്നരക്കോടി വരുന്ന ലംബോർഗിനി ഉറു കാർ തകർത്ത് തരിപ്പണമാക്കിയാണ്. സോഷ്യൽമീഡിയയിൽ വൈറാലാകുക എന്ന ഒറ്റ ലക്ഷ്യത്തോടെയാണ് ഇയാൾ വിലക്കൂടിയ കാർ ക്രെയിൻ ഉപയോഗിച്ച് തകർത്തത്.
തന്‍റെ എനർജി ഡ്രിങ്ക് ബ്രാൻഡായ ലിറ്റ് എനർജിയുടെ പ്രമോഷന് വേണ്ടിയായിരുന്നു ഈ സാഹസികത. കാർ തവിടുപൊടിയായെങ്കിലും മിഖായേൽ യൂട്യൂബിൽ ഹിറ്റായിട്ടുണ്ട്. ലക്ഷക്കണക്കിന് ആളുകള്‍ വീഡിയോ കാണുകയും പ്രതികരിക്കുകയും ചെയ്തു. കൂടുതൽ ആളുകളും ഇത് കുറച്ച് കടന്നുന പോയി എന്നാണ് പ്രതികരിച്ചിരിക്കുന്നത്. സോഷ്യൽ മീഡിയയിൽ വൈറലാവുന്നതിനു വേണ്ടി അപകടം പിടിച്ചതും സാമ്പത്തിക നഷ്ടവുമുണ്ടാക്കുന്നതുമായ പ്രവർത്തികൾ അംഗീകരിക്കാൻ കഴിയില്ലെന്നാണ് കൂടുതൽ പേരും അഭിപ്രായപ്പെട്ടുന്നത്.