ബ്യൂ​ണ​സ് ഐ​റി​സ്: ലോക ഫുട്ബോൾ ചാംപ്യൻമാരായ അർജന്‍റീനയുടെ യുവനിര അണ്ടർ 20 ലോകകപ്പിന്‍റെ പ്രീ ക്വാർട്ടർ ഫൈനലിൽ നൈജീരിയയോടു തോറ്റ് പുറത്തായി. സ്വ​ന്തം നാ​ട്ടി​ൽ നടക്കുന്ന ടൂർണമെന്‍റിൽ ബ്രസീൽ ക്വാർട്ടറിലേക്കു മുന്നേറുന്നതിനും അർജന്‍റീനക്കാർ സാക്ഷ്യം വഹിച്ചു.

എതിരില്ലാത്ത രണ്ടു ഗോളിനാണ് നൈജീരിയ അർജന്‍റീനയെ കീഴടക്കിയത്. ​അ​തേ​സ​മ​യം, ടൂ​ണീ​ഷ്യ​യെ 4-1ന് ​ത​ക​ര്‍ത്ത് ബ്ര​സീ​ലും ഇം​ഗ്ല​ണ്ടിനെ 2-1 ന് ​ത​ക​ർ​ത്ത് ഇ​റ്റ​ലി​യും അ​വ​സാ​ന എ​ട്ടി​ല്‍ ഇ​ടം ക​ണ്ടെ​ത്തി.

മു​ന്‍ അ​ര്‍ജ​ന്‍റീ​ന താ​രം ഹാ​വി​യ​ര്‍ മ​ഷ​രാ​നോ​യു​ടെ ശി​ക്ഷ​ണ​ത്തി​ലാണ് അണ്ടർ 20 ടീം കളിക്കുന്നത്. മ​ത്സ​ര​ത്തി​ലു​ട​നീ​ളം ആ​ധി​പ​ത്യം പു​ല​ര്‍ത്തി​യി​ട്ടും ഗോ​ള്‍ നേ​ടാ​ന്‍ കഴിയാതിരുന്നതാണ് അവർക്കു വിനയായത്. 26 ത​വ​ണ ഷോ​ട്ടു​ക​ളു​തി​ര്‍ത്തതിൽ വലയിലേക്കു പോയത് അഞ്ചെണ്ണം, അതിലൊന്നും ലക്ഷ്യം ഭേദിച്ചതുമില്ല. നൈജീരിയയാകട്ടെ, കിട്ടയ രണ്ട് അവസരങ്ങളും മുതലാക്കുകയും ചെയ്തു.