കോൽക്കത്ത: ലോകകപ്പ് നേട്ടത്തിനു ശേഷം ഓസ്ട്രേലിയൻ ഓൾറൗണ്ടർ മിച്ചൽ മാർഷ് ട്രോഫിക്കു മുകളിൽ കാൽ കയറ്റി വച്ച് പോസ് ചെയ്തത് ശരിയായില്ലെന്ന് ഇന്ത്യൻ ഫാസ്റ്റ് ബൗളർ മുഹമ്മദ് ഷമി. മാർഷിന്‍റെ പ്രവൃ‌ത്തിയെക്കുറിച്ച് ചൂടേറിയ വാഗ്വാദങ്ങൾ തുടരുന്നതിനിടെയാണ് ഷമിയുടെ അഭിപ്രായപ്രകടനം.
''ഇത് എന്നെയും വല്ലാതെ വേദനിപ്പിച്ചു. എല്ലാ രാജ്യങ്ങളും ഈ ട്രോഫിക്കായി പോരാടുന്നു, എല്ലാവരും ട്രോഫി അവരുടെ തലയില്‍ വയ്ക്കാന്‍ ആഗ്രഹിക്കുന്നു. അയാള്‍ ആ ട്രോഫിയില്‍ കാലു കയറ്റിവെച്ചത് എനിക്ക് ഇഷ്ടപ്പെട്ടില്ല. അങ്ങനെ ചെയ്യാന്‍ പാടില്ല'', ഷമി നിലപാട് വ്യക്തമാക്കി.
കഠിനാധ്വാനം ചെയ്താൽ ലോകം കാൽക്കീഴിലാകും എന്ന അടിക്കുറിപ്പോടെയാണ് മാർഷ് ലോകകപ്പിനു മുകളിൽ കാൽ ക‍യറ്റിവച്ചിരിക്കുന്ന സ്വന്തം ചിത്രം നേരത്തെ പോസ്റ്റ് ചെയ്തിരുന്നത്.