സിഡ്നി: ഓസ്ട്രേലിയയുടെ വെടിക്കെട്ട് ഓപ്പണർ ട്രാവിസ് ഹെഡ് ബാറ്റിങ് പരിശീലനം പുനരാരംഭിച്ചു. ദക്ഷിണാഫ്രിക്കയ്ക്കെതിരായ ഏകദിന ക്രിക്കറ്റ് പരമ്പരയ്ക്കിടെയാണ് ഹെഡ്ഡിന്റെ വിരലിനു പൊട്ടലേറ്റത്.
ശസ്ത്രക്രിയ വേണ്ടെന്നും, ആറാഴ്ച കൊണ്ട് പരുക്ക് ഭേദമാകുമെന്നും ഡോക്റ്റർമാർ റിപ്പോർട്ട് നൽകിയതിനെത്തുടർന്ന് ഹെഡ്ഡിനെ പതിനഞ്ചംഗ ടീമിൽ നിലനിർത്തുകയായിരുന്നു.
നിലവിൽ ഓസ്ട്രേലിയയിലുള്ള ഹെഡ് വൈകാതെ ഇന്ത്യയിൽ ടീമിനൊപ്പം ചേരും. അടുത്ത മത്സരത്തിനു ശേഷം പ്ലെയിങ് ഇലവിനെലുമെത്തുമെന്നാണ് പ്രതീക്ഷിക്കുന്നത്. ഡേവിഡ് വാർനറുടെയും സ്റ്റീവൻ സ്മിത്തിന്റെയും ഫോമിൽ ആശങ്കയുള്ള ഓസ്ട്രേലിയയ്ക്ക് ഹെഡ്ഡിന്റെ വരവ് വലിയ ആശ്വാസം പകരും.