സാമൂഹിക മാധ്യമങ്ങളിൽ ഇപ്പോഴൊരു പ്രോഗ്രസ് കാർഡ് വൈറലാവുന്നുണ്ട്. മിക്ക വിഷയങ്ങൾക്കും അത്യാവശ്യം നല്ല മാർക്ക് രേഖപ്പെടുത്തിയിരിക്കുന്ന പ്രോഗ്രസ് കാർഡ്. എന്നാൽ അധ്യാപികയുടെ റിമാർക്ക്സ് എഴുതേണ്ടയിടത്ത് ഷീ ഹാസ് പാസ്ഡ് എവേ എന്നാണു കുറിച്ചിരിക്കുന്നത്. നല്ല മാർക്ക് നേടി അന്തരിച്ചു എന്നല്ല, വിജയിച്ചു എന്നതു തന്നെയാകണം 'കവി' ഉദ്ദേശിച്ചിരിക്കുന്നത്.

എന്തായാലും ഈ പ്രോഗ്രസ് കാർഡ് ഏതു നാട്ടിൽ നിന്നാണെന്നോ, സ്കൂളിൽ നിന്നാണെന്നോ അറിയില്ല. മാത്രവുമല്ല സോഷ്യൽ മീഡിയയിലെ ആരെങ്കിലും ഒപ്പിച്ച കുസൃതിയായിരിക്കാനും സാധ്യതയുണ്ടെന്ന അഭിപ്രായവും ഉയരുന്നു. സോഷ്യൽ മീഡിയ അന്വേഷണം തുടങ്ങിയിട്ടുണ്ട്. മലാവിയിലെ ഏതോ സ്കൂളിലെ റിപ്പോർട്ട് കാർഡ് ആണെന്നൊക്കെ കമന്‍റുകൾ നിറയുന്നു.