കൊച്ചി: സംസ്ഥാനത്ത് ഇന്നും പുതിയ റെക്കോഡുകളിട്ട് സ്വർണവിലയുടെ മുന്നേറ്റം. ഇന്ന് 320 രൂപ വർധിച്ച് പവന് 58,720 രൂപയായി. ഗ്രാമിന് 40 ഉയർന്ന് 7340 രൂപയിലാണ് ഇന്ന് വ്യാപാരം നടക്കുന്നത്. ചരിത്രത്തിൽ ആദ്യമായാണ് സ്വർണവില പവന് 59,000 ത്തിലേക്ക് അടുക്കുന്നത്.

നിലവിലെ സാഹചര്യത്തിൽ 60,000 രൂപയുണ്ടെങ്കിൽ പോലും ഒരു പവൻ സ്വർണം മേടിക്കാനാവില്ലെന്ന സ്ഥിതിയാണ് നിലനിൽക്കുന്നത്. അടുത്തകാലത്തെങ്ങും സ്വർണവിലയിൽ ആശ്വാസകരമായ വാർത്ത പ്രതീക്ഷിക്കേണ്ടതില്ലെന്നാണ് വിദഗ്ധർ പറയുന്നത്.