കൊച്ചി: സംസ്ഥാനത്ത് സ്വർണവിലയിൽ നേരി ഇടിവ് രേഖപ്പെടുത്തി. 55,000 ത്തിലെത്തിയ സ്വർണവില പവന് 120 രൂപ കുറഞ്ഞ് 54,880 രൂപയിലെത്തി. ഗ്രാമിന് 15 രൂപയാണ് കുറഞ്ഞത്. ഇതോടെ ഒരു ഗ്രാം സ്വർണത്തിന്‍റെ വില 6,860 രൂപയിലെത്തി.

ഈ മാസം ആദ‍്യം 53,000 രൂപയായിരുന്നു സ്വര്‍ണവില. 16 ദിവസത്തിനിടെ 2,000 രൂപ വര്‍ധിച്ചാണ് സ്വര്‍ണവില ഇന്നലെ 55,000 ത്തിലെത്തിയത്. ഇന്നലെമാത്രം 720 രൂപയുടെ വർധന ഒരു പവൻ സ്വർണത്തിലുണ്ടായി. ഓഹരി വിപണിയിലെയും അന്താരാഷ്ട്ര വിപണിയിലെയും ചലനങ്ങളാണ് സ്വര്‍ണവിലയില്‍ പ്രതിഫലിക്കുന്നത്.