പിഎം ശ്രീ പദ്ധതിയുമായി മുന്നോട്ടുപോകാം; വിദ്യാഭ്യാസ മന്ത്രിക്ക് റിപ്പോർട്ട് സമർപ്പിച്ച് പൊതുവിദ്യാഭ്യാസ ഡയറക്റ്റർ
file image
തിരുവനന്തപുരം: പിഎം ശ്രീ പദ്ധതിയുമായി മുന്നോട്ടുപോകാമെന്ന് പൊതുവിദ്യാഭ്യാസ ഡയറക്റ്ററുടെ റിപ്പോര്ട്ട്. ഇതിനായി വിദ്യാഭ്യാസ നയം മാറ്റേണ്ടി വരില്ലെന്നും റിപ്പോർട്ടിൽ പറയുന്നു. കേന്ദ്ര നിബന്ധനകളിലെ എസ്എസ്കെ ഫണ്ട് സംസ്ഥാനത്തിന് അനിവാര്യമാണ്, പദ്ധതിയുമായി മുന്നോട്ട് പോയില്ലെങ്കില് ഈ ഫണ്ടുകള് ലഭ്യമാകില്ലെന്നും റിപ്പോര്ട്ടില് പരാമര്ശിക്കുന്നു.
പൊതുവിദ്യാഭ്യാസ ഡയറക്ടര് വിദ്യാഭ്യാസ മന്ത്രി എന്. ഷംസുദ്ദീന് നല്കിയ റിപ്പോര്ട്ടിലാണ് ഇക്കാര്യങ്ങളുള്ളത്. പൊതു വിദ്യാഭ്യാസ ഡയറക്റ്റര് നല്കിയ റിപ്പോര്ട്ടില് അന്തിമ തീരുമാനമെടുക്കുന്നത് സംസ്ഥാന സര്ക്കാരാണ്.
പിഎംശ്രീ വിഷയത്തില് പെട്ടെന്ന് തീരുമാനം എടുക്കാന് സാധിക്കില്ലെന്നും വിദഗ്ധരുമായുള്ള ചര്ച്ചകള് ഉള്പ്പെടെ അനിവാര്യമാണെന്നും വിദ്യാഭ്യാസവകുപ്പ് മന്ത്രി എന്. ഷംസുദ്ദീന് പറഞ്ഞു. സാമ്പത്തിക കാര്യങ്ങള് ഉള്പ്പെടെയുള്ള റിപ്പോര്ട്ടുകള് പരിഗണിച്ച് അന്തിമ തീരുമാനം എടുക്കുമെന്നാണ് മന്ത്രി പറയുന്നത്.