ചെന്നൈ: യുവ സംഗീത സംവിധായകൻ അന്തരിച്ചു. മേധഗു, രാകഥൻ തുടങ്ങിയ ചിത്രങ്ങൾക്ക് സംഗീതം നൽകിയ പ്രവീൺ കുമാറാണ് മരിച്ചത്. 28 വയസായിരുന്നു. ആരോഗ്യ സംബന്ധമായ പ്രശ്നങ്ങള്‍ മൂലം ചെന്നൈയിൽ കുറച്ചു നാളായി വിശ്രമത്തിലായിരുന്നു.
ചികിത്സയിൽ ഇരിക്കേ ആരോഗ്യസ്ഥിതി മോശമായതോടെ തിങ്കളാഴ്‌ച ഉച്ചയോടെ ചെന്നൈയിലെ ഓമന്‍ഡൂര്‍ ആശുപത്രിയിലേക്ക് മാറ്റുകയായിരുന്നു. എന്നാൽ വ്യാഴാഴ്ച രാവിലെ 6.30ന് മരണം സംഭവിക്കുകയായിരുന്നു.
വ്യാഴാഴ്ച രാവിലെ ഭൗതിക ശരീരം ബന്ധുക്കള്‍ക്ക് വിട്ടു നല്‍കി തുടർന്ന് വ്യാഴാഴ്ച വൈകീട്ടോടെ അന്തിമ കര്‍മ്മകള്‍ നടത്തി സംസ്‌കരിച്ചു.