റസൂൽ പൂക്കുട്ടി
തിരുവനന്തപുരം: ഓസ്കര് ജേതാവായ മലയാളി സൗണ്ട് ഡിസൈനറും സംവിധായകനുമായ റസൂല് പൂക്കുട്ടി സംസ്ഥാന ചലച്ചിത്ര അക്കാഡമി ചെയര്മാൻ. കുക്കു പരമേശ്വരൻ വൈസ് ചെയര്പെഴ്സണ്. ഇരുവരുടെയും നിയമനം സംസ്ഥാന സർക്കാർ അംഗീകരിച്ചു.
സംവിധായകന് രഞ്ജിത്ത് രാജി വച്ച ഒഴിവിലേക്കാണ് റസൂല് പൂക്കുട്ടിയുടെ നിയമനം. ഹേമ കമ്മിറ്റി റിപ്പോര്ട്ടിനെ തുടര്ന്നുണ്ടായ വിവാദങ്ങള്ക്ക് പിന്നാലെയാണ് രഞ്ജിത്ത് അക്കാഡമി ചെയര്മാന് സ്ഥാനം രാജി വച്ചത്. അന്ന് വൈസ് ചെയര്മാന് ആയിരുന്ന പ്രേം കുമാറിന് പിന്നീട് ചെയര്മാന്റെ താത്കാലിക ചുമതല നല്കുകയായിരുന്നു.
ഈ ഭരണസമിതിയെ മാറ്റിക്കൊണ്ടാണ് പുതിയ ഭരണസമിതി നിലവില് വരുന്നത്. അമൽ നീരദ്, ശ്യാം പുഷ്കരന്, നിഖില വിമൽ, സിതാര കൃഷ്ണ കുമാർ, സുധീർ കരമന, ബി .രാഗേഷ് അടക്കം 26 അംഗങ്ങളാണ് പുതിയ ഭരണ സമിതിയില് ഉള്പ്പെട്ടിരിക്കുന്നത്.