കങ്കണ റണാവത്ത് ടൈറ്റിൽ റോളിലെത്തുന്ന തേജസ് എന്ന ബോളിവുഡ് സിനിമയുടെ ട്രെയിലർ ഇന്ത്യൻ വ്യോമസേനാ ദിനമായ ഒക്റ്റോബർ എട്ടിന് റിലീസ് ചെയ്യും. ഇന്ത്യാ ഗേറ്റിൽ വച്ച് ട്രെയിലർ ലോഞ്ച് സംഘടിപ്പിക്കാനാണ് സിനിമയുടെ അണിയറ പ്രവർത്തകർ ശ്രമിക്കുന്നത്.

നേരത്തെ ടീസർ പുറത്തുവന്നതു മുതൽ കങ്കണയുടെ ആരാധകർ ആകാംക്ഷയോടെ കാത്തിരിക്കുന്ന ചിത്രത്തിൽ തേജസ് ഗിൽ എന്ന കഥാപാത്രത്തെയാണ് കങ്കണ അവതരിപ്പിക്കുന്നത്. വ്യോമസേനയിലെ ഫൈറ്റർ പൈലറ്റാണ് നായിക എന്നു തോന്നിക്കുന്ന രീതിയിലാണ് ടീസർ. ട്രെയിലറിൽ കൂടുതൽ വിശദാംശങ്ങൾ വ്യക്തമാകുമെന്നു പ്രതീക്ഷിക്കുന്നു.

റോണി സ്ക്രൂവാലാ നിർമിക്കുന്ന ചിത്രത്തിന്‍റെ രചനയും സംവിധാനവും നിർവഹിച്ചിരിക്കുന്നത് സർവേഷ് മേവാര. ഒക്റ്റോബർ 27ന് ചിത്രം തിയെറ്ററുകളിലെത്തുമെന്നും കരുതുന്നു.