മലയാളികളുടെ പ്രിയ താരങ്ങളിലൊരാളാണ് കാളിദാസ് ജയറാം. ബാലതാരമായെത്തി പ്രേക്ഷക മനസുകളിൽ സ്ഥാനം പിടിച്ച താരത്തിന്റെ വിശേഷങ്ങളറിയാൻ സോഷ്യൽ മീഡിയയിൽ ആരാധകരേറെയാണ്. കാളിദാസ്- തരുണി പ്രണയം പുറത്തറിഞ്ഞപ്പോൾ മുതൽ ആരാധകർ കാത്തിരിക്കുന്നതാണ് ഇരുവരുടേയും വിവാഹം.
ഇപ്പോഴിതാ കാളിദാസിന്റെ വിവാഹം അടുത്തെത്തിയെന്ന വാർത്തകളാണ് പുറത്തു വരുന്നത്. കാളിദാസിന്റേയും തരുണിയുടേയും വിവാഹത്തിന്റെ ആദ്യ ക്ഷണം തമിഴ്നാട് മുഖ്യമന്ത്രി എം.കെ. സ്റ്റാലിനാണ്. പാർവതിയും ജയറാമും കാളിദാസും ചെന്നൈയിലെ വസതിയിലെത്തി അദ്ദേഹത്തെ നേരിട്ട് ക്ഷണിക്കുന്നതിന്റെ ദൃശ്യങ്ങൾ സോഷ്യൽ മീഡിയയിൽ ശ്രദ്ധനേടി. കാളിദാസ് തന്നെയാണ് ചിത്രം സോഷ്യൽ മീഡിയയിൽ പങ്കുവച്ചത്.
കഴിഞ്ഞ വർഷം നവംബറിലായിരുന്നു തരുണിയുടേയും കാളിദാസിന്റേയും വിവാഹ നിശ്ചയം. മോഡലിങ് രംഗത്ത് സജീവമായ താരിണി നീലഗിരി സ്വദേശിയാണ്. 2021 ലെ മിസ് യൂണിവേഴ്സ് ഇന്ത്യ തേഡ് റണ്ണര് അപ്പായിരുന്നു.