ഈ വർഷത്തെ അഗസ്ത്യാർകൂടം ട്രക്കിങ്ങിനുള്ള സമയമായി. ജനുവരി 20 മുതൽ ഫെബ്രുവരി 22 വരെയാണ് ഇത്തവണത്തെ ട്രക്കിങ്. ജനുവരി 8 മുതൽ ട്രക്കിങ്ങിനായി ബുക്ക് ചെയ്യാം. ഇത്തവണ പല ഘട്ടങ്ങളിലായാണ് ബുക്കിങ്. ജനുവരി 20 മുതൽ 31 വരെയുള്ള ദിവസങ്ങളിൽ മല കയറാനായി ആദ്യഘട്ടത്തിൽ ബുക്ക് ചെയ്യണം.

രണ്ടാം ഘട്ടം ബുക്കിങ്ങ് ജനുവരി 21നാണ്. ഫെബ്രുവരി 1 മുതൽ 10 വരെയാണ് രണ്ടാം ഘട്ടത്തിൽ ബുക്ക് ചെയ്യുന്നവർക്ക് അവസരം ലഭിക്കുക. ഫെബ്രുവരി 3ന് മൂന്നാം ഘട്ട ട്രക്കിങ്ങ് ബുക്കിങ് ആരംഭിക്കും. ഫെബ്രുവരി 11 മുതൽ 22 വരെയുള്ള ദിവസങ്ങളിലാണ് അവസരം ലഭിക്കുക.

• ഓൺ ലൈൻ രജിസ്ട്രേഷൻ വഴി പരമാവധി 70 പേർക്ക് ഒരു ദിവസം പ്രവേശനം അനുവദിക്കും.

• 30 പേർക്കാണ് ഓഫ് ലൈനിൽ ബുക്ക് ചെയ്യാൻ അവസരം ലഭിക്കുക.

• ട്രക്കിങ്ങിന്‍റെ തലേ ദിവസം മാത്രമേ ഓഫ് ലൈൻ ബുക്കിങ് ആരംഭിക്കുകയുള്ളൂ.

• വനം വകുപ്പിന്‍റെ www.forest.kerala.gov.in എന്ന സൈറ്റിലൂടെ serviceonline.gov.in‍/trekking എന്ന ലിങ്കിലൂടെ ഓൺലൈനായി രജിസ്റ്റർ ചെയ്ത് ടിക്കറ്റ് ബുക്ക് ചെയ്യാം.

• അക്ഷയ കേന്ദ്രങ്ങൾ വഴിയും ബുക്ക് ചെയ്യാം. ഓൺലൈൻ അപേക്ഷ സമർപ്പിക്കാനായി തിരിച്ചറിയൽ കാർഡ് നമ്പർ നൽകേണ്ടതാണ്.

• ഒരാൾക്ക് 2500 രൂപയാണ് ട്രക്കിങ്ങിനുള്ള ടിക്കറ്റ് ചാർജ്. ഇതിൽ ഭക്ഷണം ഉൾപ്പെടുന്നില്ല.

• 18 വയസു മുതൽ ഉള്ളവർക്ക് മെഡിക്കൽ ഫിറ്റ്നസ് സർട്ടിഫിക്കറ്റ് നിർബന്ധമായും ഹാജരാക്കണം.

• 14 മുതൽ 18 വയസു വരെയുള്ളവർക്ക് ഫിറ്റ്നസ് സർട്ടിഫിക്കറ്റിനൊപ്പം രക്ഷിതാവിന്‍റെ അനുമതിപത്രവും വേണം.