ഇരിങ്ങാലക്കുട: ക്രൈസ്റ്റ് കോളെജ് ഫുഡ് ടെക്നോളജി വിഭാഗത്തിന്റെ നേതൃത്വത്തിൽ സാറാ ബയോടെക്കുമായി സഹകരിച്ചു പുതിയ ഉത്പന്നം പുറത്തിറക്കുന്നു. സ്പോമിറാൾഡോ എന്ന ബ്രാൻഡിൽ ഹെവൻലി മില്ലറ്റ് ബ്രേക്ക്ഫാസ്റ്റ് ബാർ എന്ന ഉത്പന്നമാണ് വിപണിയിലെത്തുന്നത്.
ക്രൈസ്റ്റ് കോളേജ് റിസർച്ച് ഡെവലപ്മെന്റ് ഡീൻ ഡോ ലിന്റോ ആലപ്പാട്ട് ഉത്പന്നത്തിന്റെ പ്രകാശനം നിർവഹിച്ചു. ഫുഡ് ടെക്നോളജി വിദ്യാഥിനി സി.എ. ശറഫുൻ ബാനാണ് പുതിയ ഉത്പന്നം അവതരിപ്പിച്ചത്. അന്താരാഷ്ട്ര ചെറുധാന്യ വർഷത്തിൽ ഈ ഉൽപ്പനം ഇറക്കാനായതിൽ സന്തോഷമുണ്ടെന്ന് ഫുഡ് ടെക്നോളജി വിഭാഗം മേധാവി ബിനു ജോർജ് പറഞ്ഞു.
സാറാ ബയോടെക് പ്രതിനിധി സുനീപ്, ഹോട്ടൽ മാനേജ്മെന്റ് വിഭാഗം മേധാവി പയസ് ജോസഫ്, വിദ്യാർഥിനി മിഥുന പ്രകാശ് എന്നിവർ ചടങ്ങിൽ സംസാരിച്ചു.