ഗുവഹാത്തി: അനധികൃതമായി ആനക്കൊമ്പ് കൈവശം വച്ചതിന് 54 കാരൻ പിടിയിൽ. അസമിലെ ഉദൽഗുരി ജില്ലയിൽ നിന്നും സാദിൻ നർസാരി എന്നയാളെയാണ് അറസ്റ്റ് ചെയ്തത്. 13 കിലോ ഭാരമുള്ള രണ്ട് ആനക്കൊമ്പുകളാണ് ഇയാൾ കൈവശം വച്ചിരുന്നത്.
രഹസ്യ വിവരം ലഭിച്ചതിന്റെ അടിസ്ഥാനത്തിൽ മാനസ് ടൈഗർ പ്രൊജക്റ്റ് ഡെപ്യൂട്ടി ഫീൽഡ് ഡയറക്ടർ ശശിധർ റെഡ്ഡിയുടെ നേതൃത്വത്തിലുള്ള സംഘം നടത്തിയ തെരച്ചിലിനൊടുവിലാണ് ആനക്കൊമ്പ് കണ്ടെടുത്തത്.