വയനാട്: കഞ്ചാവ് വിൽപ്പന നടത്തിയ കേസിൽ യുവതി ഉൾപ്പെടെ നാല് പേർ അറസ്റ്റിൽ. എരുമ പുല്ലില്‍ വീട്ടില്‍ പി. ഹര്‍ഷ (24), പുല്‍പ്പള്ളി കാപ്പിസെറ്റ് സ്വദേശികളായ എരുമപ്പുല്ലില്‍ വീട്ടില്‍ ഇ.പി. പ്രണവ് (20), നിരപ്പേല്‍ വീട്ടില്‍ എന്‍.എ. അജിത്ത് (23), കരിക്കല്ലൂര്‍ മൂന്നുപാലം സ്വദേശി വട്ടത്തൊട്ടിയില്‍ വീട്ടില്‍ ആല്‍ബിന്‍ ജെയിംസ് (20) എന്നിവരെയാണ് എക്സൈസ് സംഘം പിടികൂടിയത്.

പുൽപ്പളളി കുളത്തൂരിലെ വാടക വീട്ടിൽ വച്ചാണ് നാലംഗ സംഘം എക്സൈസ് സംഘത്തിന്‍റെ പിടിയിലാവുന്നത്. 170 ഗ്രാം കഞ്ചാവ്, കഞ്ചാവ് വലിക്കാന്‍ ഉപയോഗിക്കുന്ന ഉപകരണമായ ബോംഗ്, ലഹരി ആവശ്യക്കാര്‍ക്ക് എത്തിച്ചു നല്‍കാന്‍ ഉപയോഗിച്ചു വന്ന ബൈക്ക് എന്നിവയും പിടിച്ചെടുത്തു.