കൊച്ചി: കളമശേരിയിൽ മകന്‍റെ കൈ തല്ലിയൊടിച്ച് പിതാവ്. ഇൻസ്ട്രമെന്‍റ് ബോക്സും പുസ്തകവും കളഞ്ഞു പോയതിനാണ് പിതാവിന്‍റെ ക്രൂരത. കളമശേരി തോഷിബ ജം​ഗ്ഷനിൽ താമസിക്കുന്ന ശിവകുമാർ എന്നയാളാണ് 11 കാരനായ മകനെ ഇത്തരത്തിൽ അതിക്രൂരമായി ഉപദ്രവിച്ചത്.

രണ്ടു ദിവസം മുൻപായിരുന്നു സംഭവം. കുട്ടിയുടെ കൈക്ക് പൊട്ടലുണ്ട്. ശിവകുമാറിനെ പൊലീസ് കസ്റ്റഡിയിലെടുത്തു. ഇയാൾ സ്ഥിരം മദ്യപാനിയാണെന്നും മദ്യ ലഹരിയിലാണ് കുട്ടിയോട് ഈ ക്രൂരത ചെയ്തതെന്നും പൊലീസ് വ്യക്തമാക്കി.