കരിപ്പൂർ: വിമാനത്താവളം വഴി കടത്താന്‍ ശ്രമിച്ച 58 ലക്ഷം രൂപയുടെ സ്വർണം പൊലീസ് പിടികൂടി. കുവൈറ്റിൽ നിന്നെത്തിയ മലപ്പുറം വേങ്ങര സ്വദേശി സാലിം (28) ആണ് പിടിയിലാവുന്നത്.

58.85 ലക്ഷം രൂപയുടെ 966 ഗ്രാം സ്വർണം മിശ്രതം 4 ക്യാപ്സൂളുകളാക്കി ശരീരത്തിൽ ഒളിപ്പിച്ച് കടത്താനായിരുന്നു ശ്രമം. എക്സറെ പരിശോധനയിലാണ് ഇയാളുടെ വയറിനകത്ത് 4 ക്യാപ്സൂളുകളുകൾ കണ്ടെത്തുന്നത്.

കസ്റ്റംസ് പരിശോധന പൂർത്തിയാക്കി പുറത്തിറങ്ങിയ ഇയാളെ പൊലീസ് പിടികൂടുകയായിരുന്നു. മലപ്പുറം ജില്ലാ പൊലീസ് മേധാവി എസ്. സുജിത് ദാസിനു ലഭിച്ച രഹസ്യ വിവരത്തിന്‍റെ അടിസ്ഥാനത്തിലായിരുന്നു നടപടി.