കൊല്ലം: അഞ്ചലിൽ 9 വയസുകാരനെ ജനലിൽ കെട്ടിയിട്ട് പീഡിപ്പിക്കാൻ ശ്രമിച്ചയാൾ പിടിയിൽ. അഞ്ചൽ തേവർതോട്ടം സ്വദേശി മണിക്കുട്ടൻ (35 ) എന്നയാളെയാണ് പോക്സോ കേസിൽ അഞ്ചൽ പൊലീസന്റെ പിടിയിലായത്. തിങ്കളാഴ്ച വൈകുന്നേരമായിരുന്നു സംഭവം. മെഴുകുതിരി വാങ്ങാൻ വീട്ടിലെത്തിയ കുട്ടിയെ ഇയാൾ പീഡിപ്പിക്കാൻ ശ്രമിച്ചു.
ഇതിനിടെ ഓടി രക്ഷപെടാൻ ശ്രമിച്ച കുട്ടിയെ മണിക്കുട്ടൻ പിടികൂടി വീടിന്റെ ഹാളിലെ ജനൽ കമ്പിയിൽ കെട്ടിയിട്ട് വീണ്ടും പീഡിപ്പിക്കാൻ ശ്രമിക്കുകയായിരുന്നു. എന്നാൽ പിന്നീട് രക്ഷപ്പെട്ട കുട്ടി വീട്ടിലേക്കെത്തി രക്ഷകർത്താക്കളോട് വിവരം പറയുകയായിരുന്നു. പരാതിയിൽ പൊലീസ് കേസെടുത്ത് അന്വേഷണം ആരംഭിച്ചു.