കോഴിക്കോട് : കോഴിക്കോട് കട്ടിപ്പാറ ആദിവാസി കോളനിയിലെ ലീലയെ കൊലപ്പെടുത്തിയ സംഭവത്തിൽ സഹോദരി ഭർത്താവ് രാജൻ അറസ്റ്റിൽ. ലീലയുടെ മകനെ കൊന്ന കേസിലെ പ്രതികൂടിയാണ് ഇയാൾ. മദ്യപിച്ചുണ്ടായ വാക്കുതർക്കമാണ് കൊലപാതക കാരണം.

ലീലയെ കൊന്നത് കഴുത്തു ഞെരിച്ചാണെന്ന് പോസ്റ്റുമോർട്ടം റിപ്പോർട്ടിൽ വ്യക്തമായിരുന്നു. രണ്ട് ആഴ്ച്ചയായി കാണാനില്ലായിരുന്ന ലീലയുടെ മൃതദേഹം കഴിഞ്ഞ ദിവസമാണ് ഉൾ‌വനത്തിൽ നിന്നും കണ്ടെത്തിയത്. മൃതദേഹം കണ്ടെത്തിയതിന് പിന്നാലെ രാജനെ പൊലീസ് കസ്റ്റഡിയിലെടുത്തിരുന്നു. ലീലയുടെ കൊലപാതകത്തിൽ രാജന് പങ്കുള്ളതായി ചിലർ മൊഴി നൽകിയിരുന്നു.

ലീലയെ കാണാതായതു മുതൽ വനം വകുപ്പും പൊലീസും വനത്തിനുള്ളിൽ നടത്തിയ തെരച്ചിലിലാണ് അഴുകിയ നിലയിൽ മൃതദേഹം കണ്ടെത്തിയത്. കാണാതായ ദിവസം ലീലയും ഭർത്താവ് രാജഗോപാലും, രാജനും ചേർന്ന് മദ്യപിച്ചിരുന്നുവെന്നാണ് വിവരം.