ഇടുക്കി: കാഞ്ചിയാറിൽ ഒമ്പതാം ക്ലാസ് വിദ‍്യാർഥിയെ വീടിനുള്ളിൽ തൂങ്ങി മരിച്ച നിലയിൽ കണ്ടെത്തി. വർക്ക്‌ഷോപ്പ് ജീവനനക്കാരനായ ഷിജുവിന്‍റെ മകൻ ഗോകുലിനെയാണ് (14) മരിച്ച നിലയിൽ കണ്ടെത്തിയത്. വ‍്യാഴാഴ്ച രാവിലെയോടെ മാതാപിതാക്കൾ ജോലിക്ക് പോയ സമയത്തായിരുന്നു സംഭവം.

കുട്ടിയെ ഫോണിൽ വിളിച്ചിട്ട് കിട്ടാതായതോടെ അയൽവാസികളെ വിവരമറിയിക്കുകയും തുടർന്ന് അയൽവാസികൾ വീട്ടിൽ വന്ന് നോക്കിയപ്പോഴാണ് അടുക്കളയിൽ തൂങ്ങി മരിച്ച നിലയിൽ കുട്ടിയെ കണ്ടത്.

അമിതമായ ഫോൺ ഉപയോഗത്തിന്‍റെ പേരിൽ കുട്ടിയെ മാതാപിതാക്കൾ വഴക്ക് പറഞ്ഞിരുന്നതായും ഇതേ തുടർന്നാണ് ആത്മഹത‍്യ ചെയ്തതെന്നുമാണ് പ്രാഥമിക നിഗമനം. സംഭവത്തിൽ പൊലീസ് അന്വേഷണം ആരംഭിച്ചു.