കൊച്ചി: സ്ഥാനമൊഴിഞ്ഞ കർദിനാൾ ജോർജ് ആലഞ്ചേരിയുടെ പിൻഗാമിയായി സിറോ മലബാർ സഭയുടെ പുതിയ മേജർ ആർച്ച് ബിഷപ്പായി ഷംഷാബാദ് ബിഷപ്പ് മാർ റാഫേൽ തട്ടിലിനെ തെരഞ്ഞെടുത്തു. സഭാ ആസ്ഥാനമായ കാക്കനാട് സെന്‍റ് തോമസ് മൗണ്ടിൽ നടന്ന സിനഡ് യോഗത്തിലാണ് പുതിയ മേജർ ആർച്ച് ബിഷപ്പിനെ തെരഞ്ഞെടുത്തത്.
രഹസ്യ ബാലറ്റിലൂടെ നടന്ന വോട്ടെടുപ്പിലാണ് പുതിയ മേജർ ആർച്ച് ബിഷപ്പിന്‍റെ പേര് വത്തിക്കാന്‍റെ അനുമതിക്കായി സമർപ്പിച്ചിരുന്നു. തുടർന്ന് മാർപാപ്പ അനുമതി നൽകിയതോടെയാണ് ഔദ്യോഗിക പ്രഖ്യാപനം. പിന്നാലെ വത്തിക്കാനിലും കാക്കനാട് സെന്‍റ് തോമസ് മൗണ്ടിലും ഒരേ പോലെ പ്രഖ്യാപനം നടന്നു. മേജർ ആർച്ച് ബിഷപ്പിനെ പ്രഖ്യാപിച്ചതോടെ സിനഡ് സമ്മേളനം അവസാനിച്ചു.