പുനലൂർ: മൂവാറ്റുപുഴ-പുനലൂർ സംസ്ഥാന പാതയിൽ അപകടം. ശബരിമല തീർഥാടകർ സഞ്ചരിച്ചിരുന്ന വാഹനം വൈദ്യുതി പോസ്റ്റിലേക്ക് ഇടിച്ചു കയറി. നെടുമങ്ങാട് സ്വദേശികളായ മൂന്നു പേരാണ് കാറിൽ ഉണ്ടായിരുന്നത്. ഒരാൾക്ക് സാരമായ പരുക്കേറ്റു.
ശബരിമല ദർശനം കഴിഞ്ഞ് മടങ്ങുകയായിരുന്ന സംഘമാണ് അപകടത്തിൽപെട്ടത്. വാഹനം ഓടിച്ചയാൾ ഉറങ്ങിപ്പോയതാണ് അപകടകാരണമെന്നാണ് വിവരം. വൈദ്യുതി പോസ്റ്റിന്റെ കോൺക്രീറ്റ് അടിത്തറ ഇളകി മാറി. പരുക്കേറ്റവരെ പുനലൂർ താലൂക്ക് ആശുപത്രിയിൽ പ്രവേശിപ്പിച്ചു.