കാസർകോഡ്: കരിന്തളം ഗവ. കോളെജിൽ വ്യാജ സർട്ടിഫിക്കറ്റ് ഹാജരാക്കിയ കേസിൽ ഞായറാഴ്ചയും തിങ്കളാഴ്ചയും ചോദ്യം ചെയ്യലിന് ഹാജരാകാൻ കഴിയില്ലെന്ന് കെ. വിദ്യ. ശാരീരിക ബുദ്ധിമുട്ടുകൾ കാരണം ഹാജരാകാൻ സാധിക്കില്ലെന്ന് ഇമെയിൽ വഴിയാണ് പൊലീസിനെ അറിയിച്ചത്.
അട്ടപ്പാടി ഗവ.കോളെജിലെ വ്യാജരേഖ കേസിൽ വിദ്യയ്ക്ക് ഉപാധികളോടെ ജാമ്യം അനുവദിച്ച കോടതി, മൂന്നു ദിവസത്തിനുള്ളിൽ ചോദ്യം ചെയ്യലിന് ഹാജരാകണമെന്ന് നിർദേശിച്ചിരുന്നു. തുടർന്നാണ് നീലേശ്വരം പൊലീസ് ഹാജരാകണമെന്നാവശ്യപ്പെട്ട് നോട്ടീസ് നൽകിയത്. ഈ സാഹചര്യത്തിൽ ഹാജരാകാനുള്ള ബുദ്ധിമുട്ട് ചൂണ്ടിക്കാട്ടി വിദ്യ ഇമെയിൽ അയക്കുകയായിരുന്നു.