തിരുവനന്തപുരം: സെക്രട്ടറിയേറ്റ് നോർത്ത് സാന്റ്വിച്ച് ബ്ലോക്കിൽ തീപിടുത്തം. മന്ത്രി പി രാജീവിന്റെ ഓഫീസിന് സമീപമാണ് തീപിടുത്തമുണ്ടായത്. ഇന്ന് പുലർച്ചെയാണ് സംഭവം. ഫയർഫോഴ്സെത്തി 15 മിനിറ്റിനകം തീയണച്ചു.
പി രാജീവിന്റെ പ്രൈവറ്റ് സെക്രട്ടറി വിനോദിന്റെ മുറി കത്തിനശിച്ചു. തീപിടുത്തത്തിന്റെ കാരണം വ്യക്തമല്ല. തീ പടർന്നത് എസിയിൽ നിന്നാകാമെന്ന സൂചനയുണ്ട് . ഉന്നത പൊലീസ് സംഘവും ജില്ലാ കലക്ടറും സ്ഥലത്തെത്തി പരിശോധന ആരംഭിച്ചു.