കൊച്ചി: കനത്ത മഴയിൽ കൊച്ചി മെട്രൊ ട്രാക്കിലേക്ക് കൂറ്റൻ ഫ്ലക്സ് ബോർഡ് മറിഞ്ഞു വീണു. കലൂർ മെട്രൊ സ്റ്റേഷനും ടൗൺ ഹോളിനുമിടയിലാണ് അപകടം. ഇതേത്തുടർന്ന് ഗതാഗതം നിര്ത്തിവച്ചു. ഫ്ലക്സ് ബോര്ഡ് മാറ്റിയ ശേഷമാണ് സര്വീസ് പുനരാരംഭിച്ചത്.
ഇതിനു പിന്നാലെ എറണാകുളം സൗത്ത് - കടവന്ത്ര സ്റ്റേഷന് ഇടയിലുള്ള മെട്രൊ ട്രാക്കിലേക്ക് ടാർപ്പോളിൻ പറന്നു വീണു. ഇതോടെ ഇതുവഴി ഇരുഭാഗത്തേക്കുമുള്ള മെട്രൊ സര്വീസ് 15 മിനിറ്റോളം നിര്ത്തിവച്ചു. ടാർപോളിൻ മാറ്റിയശേഷമാണ് ട്രെയിനുകൾ സർവീസ് ആരംഭിച്ചത്.