പത്തനംതിട്ട: കോന്നി ആനത്താവളത്തിൽ കോൺക്രീറ്റ് തൂണ് ഇളകി വീണ് നാല് വയസുകാരന് ദാരുണാന്ത്യം. അടൂർ കടമ്പനാട് അജി - ശാരി ദമ്പതികളുടെ മകൻ അഭിരാം ആണ് മരിച്ചത്. വെളളിയാഴ്ച രാവിലെ അമ്മയ്ക്കും മറ്റു ബന്ധുക്കൾക്കുമൊപ്പമാണ് അഭിരാം ആനത്താവളത്തിലെത്തിയത്.

കല്ലേരി അപ്പൂപ്പൻകാവ് ക്ഷേത്ര സന്ദർശനത്തിനു ശേഷം മടക്കയാത്രയിലാണ് ആനത്താവളത്തിലെത്തിയത്. തുടർന്ന് ഇളകി നിൽക്കുകയായിരുന്ന നാല് അടിയോളം ഉയരമുളള തൂണ് കുട്ടി പിടിച്ചതോടെ തലയിലേക്ക് വീഴുകയായിരുന്നു.

കുട്ടിയെ കോന്നി താലൂക്ക് ആശുപത്രിയിലും പിന്നീട് പത്തനംതിട്ട ജനറല്‍ ആശുപത്രിയിലും എത്തിച്ചെങ്കിലും ജീവൻ രക്ഷിക്കാനായില്ല.